NOVAS

? GRUPO ANPA da HORTA ESCOLAR ?

 

Compartimos con vós esta mensaxe da Asociación Amigos da Terra

 

En Amigos da Terra, entidade que está apoiar a horta escolar do centro, queremos promover a mellora do proxecto a través da participación das familias. No voso centro xa existe un grupo de familias voluntarias na horta e queremos apoialo!

 

Sabemos que este curso escolar é complicado, cheo de limitacións e incertezas, pero creemos que debemos seguir apostando, coas adaptacións necesarias, por proxectos educativos transformadores. Para axudarvos a participar, celebraremos no 2° e 3° trimestre, 2 pequenas sesións de formación e intercambio de experiencias online, dirixidas a grupos de familiares e ANPAS (2 xornadas de 2,5h cada unha), para crear ou fortalecer grupos de traballo de familias que enriquezan o proxecto de horta, coñecer os vosos intereses, e axudarvos a deseñar un pequeño plan de actividades adaptado ao voso centro. Ademais, vos achegaremos aos Obxectivos de Desenvolvemento Sostible (ODS), unha axenda internacional para promover o coidado do medio ambiente, e que pode ser unha oportunidade magnífica para construír unha escola máis verde, a partir da horta.

 

A formación será gratuíta, online e aberta a calquera familiar interesado en participar da horta (non é preciso que forme parte xa do grupo, estará aberto a novas incorporacións). O calendario e horarios serán fixados máis adiante en función das vosa dispoñibilidade. Esta formación servirá para introducirvos na materia e ver que podedes colaborar de moi diversos xeitos, dacordo cos dispoñibilidade de cada persoa. Poderedes contribuir ao proxecto planificando qué alimentos plantar, conseguindo materiais, deseñando novos espazos de cultivo ou botando unha man nas tarefas de mantemento. Ademais, estamos seguras de que moitas de vós, tedes experiencia previa en horta que sería de grande axuda para o proxecto!

 

✍️ Se queredes participar nesta formación ou no proxecto de horta do centro, escribide a Laura (Amigos da Terra): cooperacion@amigosdaterra.net / 986 229 089 / WhatsApp: 650896488

 

Agradecemos que poidades confirmarnos o voso interese antes do 30 de novembro, para poder avanzar na organización dos grupos.

 

Moitas grazas polo voso interese. Animádevos! ??

17.11.2020

CONCURSO DE POSTAIS DE NADAL PARA PEQUES DE 3 A 5 ANOS

 

Tedes toda a información no seguinte pdf

poster e concurso postais de nadal.pdf
Documento Adobe Acrobat [2.9 MB]

17.11.2020

EXTRAESCOLAR PINTURA - RECOLLER MATERIAL

 

Temos no cole o material de pintura d@s peques que estaban anotados a esta actividade extraescolar o curso pasado (2019-2020) ata o momento en que nos confinaron.

 

Se queredes recoller este material, por favor enviádenos un email a anpamagnoliavilalaura@gmail.com co nome do/a neno/a e vos responderemos indicando como facer.

 

Un saúdo!

LOTERÍA DE NADAL

 

Xa temos á venda lotería do anpa de este ano, podedes adquirir participacións para o número 57493 na administración de lotería Don Décimo (rúa Zamora Nº58).

 

Moita sorte a tod@s!!

26.10.2020

INFORMACIÓN IMPORTANTE DE COMEDOR

 

Podedes consulta-la nota informativa enviada pola dirección do cole aquí.

26.10.2020

AMPLIADO PRAZO INSCRICIÓN NATACIÓN

 

Toda a información na sección de piscina.

07.10.2020

COMEDOR: MENÚ OUTUBRO

 

Xa podedes consulta-los menús de comedor para este mes de outubro neste enlace.

NATACIÓN

 

Podedes consultar cambios deste ano polo Covid e outra información que pode ser do voso interese aquí.

02.10.2020

NATACIÓN

 

Xa temos publicados os horarios e a información dos cursiños de natación na piscina do Carme.

28.09.2020

QUERO SER SOCI@

 

Consulta a información e descarga o formulario na sección de soci@s ANPA.

28.09.2020

ASAMBLEA XERAL ORDINARIA

 

O vindeiro luns 05 de Outubro está convocada unha asamblea para @s soci@s do ANPA á que estades convidados tódolos pais/nais de alumn@s do cole. Esperamos a vosa asistencia. Máis  información neste enlace.

28.09.2020

UN NOVO CURSO COMEZA...

 

Como xa comunicamos, polo momento non podemos ofrecer servizos como matinal e extraescolares.


Para extremar precaucións queremos comunicar tamén que este ano non estaremos no local da anpa, tódalas dúbidas podedes envialas a través do formulario de contacto da  web ou directamente ao noso email anpamagnoliavilalaura@gmail.com e vos responderemos encantados.


Despois da Asamblea Xeral de Socios de principio de curso publicaremos o formulario de alta de socios e toda a información de pasos a seguir porque este ano todo se fará telemáticamente.


Nuns días publicaremos o día e a hora en que se celebrará esta asamblea á que sería importante que asistirades tendo en conta a situación.

09.09.2020

COMEDOR: MENÚ SETEMBRO

 

Xa podedes consultar o menú de comedor para este primeiro mes do curso neste enlace.

09.09.2020

PLANS DA EEI VILALAURA RELACIONADOS COA SITUACIÓN COVID

 

Están publicados na web do cole o plan de adaptación á situación Covid, o plan de acollida e o plan de continxencia, que xa indican que están suxeitos a posibles modificacións. Podedes acceder aos publicados a día 2 de setembro neste enlace.

Podedes consultar tódalas novas do cole a través deste enlace á súa web.

08.09.2020

INFORMACIÓN CURSO 2020-2021 NA WEB DO COLE E POR REMIND

 

Estes días é moi importante que permanezades atentos:

  •  á web do cole porque están a poñer avisos relativos a este inicio de curso atípico (por exemplo que o alumnado de 5 e 6 anos tamén ten unha pequena adaptación)
  •  e tamén ao remind porque as titoras están a mandar información por este medio.

02.09.2020

AVISO IMPORTANTE CURSO 2020-2021

 

Dada a situación actual e para que as familias se organicen, ante a ambigüidade do protocolo da Xunta e a responsabilidade que recae nas Anpas lamentamos comunicar que este inicio de curso NON haberá EXTRAESCOLARES nin AULA MATINAL. No noso cole o comedor non depende da Anpa.

 

Manterémosvos informados das novidades.

24.08.2020

Contacto:

A.N.P.A. MAGNOLIA

Avda. Hispanidade, 86

36203 Vigo

Tlf.: 986 42 08 58

Móvil: 616 008 784

www.anpavilalaura.org

anpamagnoliavilalaura@gmail.com

Únete á nosa canle de Telegram

O noso horario:

De momento non estaremos no local da anpa, tódalas dúbidas podedes envialas ao noso email.