¡¡BENVIDOS A ESCOLA DE EDUCACIÓN INFANTIL VILALAURA!!

A seguir atoparás as datas importantes a ter en conta, para que non te esquezas de nada

Queremos que no vindeiro curso escolar 2018/2019 formedes parte da nosa A.N.P.A MAGNOLIA para que tódolos nosos rapaces se poidan beneficiar dos servizos que ofrecemos, para o cal é imprescindible facerse socio da mesma e pagar unha única cota de 22,00€ por unidade familiar. Tódolos papeis entregaranse a comezos de curso.

A ANPA organiza:

• Actividades Extraescolares,
• Actividades de Exterior (este último curso fixemos un dia no tren, unha mañá sobre rodas e 2 xornadas do día no cine),
• Servizo de Gardería Matinal e de Mediodía (con un mínimo de nenos)
• Servizo de Coidadora durante as Actividades Extraescolares e para que os nenos vaian directamente do Comedor ás mesmas actividades,
• Campamento de Verán,
• Obradoiros varios (o curso pasado organizamos 2 cursos de primeiros auxilios).

Todos estes Servizos comezan no mes de Outubro (agás a gardería matinal que comeza en Setembro se chegamos ó mínimo de alumn@s requeridos).

Para facer posible estas actividades precisamos novos vogais que traballen cóbado con cóbado na xunta directiva da A.N.P.A.  Xa que cada ano vanse os membros con fillos que pasan a primaria.

Ademais organizamos xunto coa Escola as Festas que teñen lugar durante o curso escolar:

• o Magosto,
• a Festa de Nadal,
• a Chocolatada de Entroido
• Organización e Presentación do Festival de Fin de Curso no Teatro Salesianos
• e a Festa do Patio ( que é a festa de fin de curso).

Para facer posible as Festas contamos con pais voluntarios que nos botan unha man. Son unha parte indispensable da organización de estes eventos. Estes pais voluntarios anótanse nun listado que se pasa na Asemblea Xeral Ordinaria que se celebra en Outubro para tódolos socios da A.N.P.A.

O proxecto da Horta escolar tamén é unha actividade co-organizada coa Escola na que os pais voluntarios  son indispensables.

Namentres gustaríanos que lle botásedes unha ollada á nosa web: www.anpavilalaura.org. Deste xeito poderedes ver tódolos servizos e actividades que ofrecemos.

¡¡ESPERAMOS CONTAR CONVOSCO E QUE DESFRUTEDES DO BEN QUE SE PASA VENDO GOZAR OS NOSOS NENOS!!