¡¡BENVIDOS Á ESCOLA DE

EDUCACIÓN INFANTIL VILALAURA!!

 

 

Queremos que neste curso escolar 2020/2021 formedes parte da nosa A.N.P.A MAGNOLIA, sabemos que vai ser un ano atípico para todos e todas, pero afrontámolo con ilusión e moitas ganas de colaborar para ofrecer aos nosos nenos e nenas todo o que estea na nosa man para que sexan felices nesta "nova normalidade".

 

Ata o de agora a ANPA organizaba:

  • Actividades Extraescolares,
  • Actividades de Exterior (algunhas actividades realizadas son un dia no tren, unha mañá sobre rodas e xornadas do día no cine),
  • Servizo de Gardería Matinal e de Mediodía (con un mínimo de nenos)
  • Servizo de Coidadora durante as Actividades Extraescolares e para que os nenos vaian directamente do Comedor ás mesmas actividades,
  • Campamento de Verán,
  • Obradoiros varios (de jumping clay ou cursos de primeiros auxilios).

Ademais organizabamos xunto coa Escola as Festas que tiñan lugar durante o curso escolar:

  • o Magosto,
  • a Festa de Nadal,
  • a Chocolatada de Entroido
  • Organización e Presentación do Festival de Fin de Curso no Teatro Salesianos
  • e a Festa do Patio ( que é a festa de fin de curso).

Sabemos que polo momento non imos poder realizar ningunha destas actividades.

 

Pero este ano máis ca nunca precisamos que vos fagades socios, nós estaremos funcionando como anpa para intentar darlle o mellor aos nosos peques.

 

Precisamos tamén de novos vogais que traballen cóbado con cóbado na xunta directiva da A.N.P.A., lembrade que cada ano vanse os membros con fillos que pasan a primaria.

 

 

O proxecto da Horta escolar tamén é unha actividade co-organizada coa Escola na que os pais voluntarios  son indispensables.

 

Namentres gustaríanos que lle botásedes unha ollada á nosa web: www.anpavilalaura.org.

 

¡¡ESPERAMOS CONTAR CONVOSCO E QUE DESFRUTEDES DO BEN QUE SE PASA VENDO GOZAR OS NOSOS NENOS!!

Contacto:

A.N.P.A. MAGNOLIA

Avda. Hispanidade, 86

36203 Vigo

Tlf.: 986 42 08 58

Móvil: 616 008 784

www.anpavilalaura.org

anpamagnoliavilalaura@gmail.com

Únete á nosa canle de Telegram

O noso horario:

De momento non estaremos no local da anpa, tódalas dúbidas podedes envialas ao noso email.